وف التحرير قمتِ يا مصر تانى
... رجع ثوارك بأحلى الأمانى
سجِّل يا تاريخ واشهد يا زمانى
بنقولها قوية (لا ) للدستور الإخوانى
كنت المصرى فى عز القهر العثمانى
وحفضل مصرى مش وهابى ولا إيرانى
حقاوم فرعون رغم جراحى وأحزانى
بحبك يا مصر بدمى أكتبها ووجدانى
وآه من نيلك اللى علمنى الحكمة وسقانى
مهما عذبونى مش حخاف من سجانى
وحصرخ ب حُبك بأحلى الأغانى
ليكى حبيبتى بهديكى حنانى
وروحى فداكِ يا كل المعانى
وأحلف بعشقك اللى خلانى
حطرد اللى هانك .. واللى رمانى
بحبك يا مصر بدمى أكتبها ووجدانى
بقلمى
سمير البولاقى
الثلاثاء
4 ديسمبر 2012
ميدان التحرير - القاهرة
